ACCC Tuanbia Tawi

Adelaide Chin Christian Church (ACCC) cu 12 November 2006 ni ah meeting kaimi minung (35) nih Adelaide Chin Christian Fellowship (ACCF) tiah rak dirhmi a Adelaide Chin Christian Church (ACCC) a si. Hi lio caan ah Adelaide Chin Christian Fellowship (ACCF) member chung in meeting a rak kai kho lo mi minung (14) an rak um. Adelaide Chin Christian Fellowship (ACCF) hruaitu upa hna cu Melbourne khua in Rev. Japheth Lian nih 22 November 2006 ah thlacampiaknak in thluachuah a rak halpiak hna. Rev. Japheth Lian cu Pu Nawl Iap (VCBC) Victoria Chin Baptist Church, (Church Chairman) le Khirhfa Upa Pu Thawng Kian nih an rak zulh.

Adelaide Chin Christian Fellowship (ACCF) a dir hnu in inn ah pumhnak rak ngeih tawn a si. Minung kan von tam deuh hnu in a hmasabik Adelaide Chin Christian Fellowship (ACCF) pumhnak biakinn kan rak hmanmi cu Adelaide City ah a ummi Baptist Union Office a rak si i 3 June 2007 zarhpi ni ah kan rak hman. Member kan tam deuh cang caah Biakinn lian deuh hawl a si i Salisbury Baptist Church ah 10 November 2007 in 5 July 2015 tiang kan i pum. Mah hi Salisbury Baptist Church pumhnak ah a voikhatnak zarh kan i pumhnak ah Rev. Japheth Lian, Pu Nawl Iap le Pu Thawng Kian nih a kal telpi. Cu hnu ah 12 July 2015 ni ah nihin 20 Shillabeer Rd, Elizabeth Park ummi, kan Biakinn hi rak hlan a si.

24 June 2012 ni ah Adelaide Chin Christian Fellowship (ACCF) cu Adelaide Chin Christian Church (ACCC) tiah General Meeting pi biachahnak in min thlen a si.

Nihin ni ahcun Biakinn zong tlamtling tein kan ngei kho i member 1000 renglo kan hong si ve cang.