Adelaide Chin Christian Church (ACCC) Dirhnak:
Adelaide Chin Christian Church (ACCC) cu 12 November 2006 ni ah meeting kaimi minung (35) nih Adelaide Chin Christian Fellowship (ACCF) tiah rak dirhmi asi.
Hi lio caan ah Adelaide Chin Christian Fellowship (ACCF) member chung in meeting a rak kai kho lo mi minung (14) an rak um. Adelaide Chin Christian Fellowship (ACCF) hruaitu upa hna cu Melbourne khua in Rev. Japheth Lian nih 22 November 2006 ah thlacampiaknak in thluachuah a rak halpiak hna. Rev. Japheth Lian cu Pu Nawl Iap (VCBC) Victoria Chin Baptist Church, (Church Chairman) le Khirhfa Upa Pu Thawng Kian nih an rak zulh.
Adelaide Chin Christian Fellowship (ACCF) a dir hnu in inn ah pumhnak rak ngeih tawn a si. Minung kan von tam deuh hnu in a hmasabik Adelaide Chin Christian Fellowship (ACCF) pumhnak biakinn kan rak hmanmi cu Adelaide City ah a ummi Baptist Union Office a rak si i 3 June 2007 zarhpi ni ah kan rak hman. Member kan tam deuh cang caah Biakinn lian deuh hawl a si i Salisbury Baptist Church ah 10 November 2007 in 5 July 2015 tiang kan i pum. Mah hi Salisbury Baptist Church pumhnak ah a voikhatnak zarh kan i pumhnak ah Rev. Japheth Lian, Pu Nawl Iap le Pu Thawng Kian nih a kal telpi. Cu hnu ah 12 July 2015 ni ah nihin 20 Shillabeer Rd, Elizabeth Park ummi, kan Biakinn hi rak hlan a si.
24 June 2012 ni ah Adelaide Chin Christian Fellowship (ACCF) cu Adelaide Chin Christian Church (ACCC) tiah General Meeting pi biachahnak in min thlen a si. ACCC Khrihfabu In Inn dang A Chuakmi:
Matu
Adelaide Chin Christian Fellowship (ACCF) in Matu kan miphun hawi hna cu mah holh tein Pathian thangqhatnak ngeih an duh caah 14 November 2007 in inn dang an chuak.
Falam
Adelaide Chin Christian Fellowship (ACCF) in Falam kan miphun hawi hna zong mah holh tein Pathian thangqhatnak ngeih an duh caah 23 May 2008 in inn dang an chuak.
Khrihfa Upa:
Adelaide Chin Christian Church (ACCC) hruaitu upa hna cu 12 November 2006 ni ah minung (8) in rak thim an si hna i Melbourne khua in Rev. Japheth Lian nih 22 November 2006 ah thlacampiaknak in thluachuah a rak halpiak hna. Khirhfa Upa hna cu Church Chairman le Secretary hruainak in caantling Pastor kan ngeih hlan chung Pastor bantukin Khirhfabu a kan hruaitu le zohkhenhtu an si.
Nu Upa:
Adelaide Chin Christian Church (ACCC) a dirnak kum 3 tlin hnu ah Khrihfabu pakhat ah Nu department hi a dangte in um siseh tiah Nubu cu 12 July 2009 Thimnak ah minung (7) in rak dirh a si.
Mino Upa:
Khirhfabu pakhat sinak ah mino cawlcanghnak hi a biapi tukmi a si caah Adelaide Chin Christian Church (ACCC) Mino department cu Nubu Department a dir hlan 13/1/2008 ni ah minung (7) in rak dirh asi.
Sunday School
Adelaide Chin Christian Church (ACCC) a dir hnu in fale hngakchia tete Sunday School cawnnak ngeih lo cu a si thiam lo tiah upa hna nih an ruah caah Sunday School cu 06/1/2008 ni ah Khirhfa Upa khuakhannak in rak dirh